Bekanan pa traduktornan literario nobo i pa nan desaroyo
Pa ken?
Traduktornan ku ta tradusí for di un idioma estranhero pa hulandes òf friso.
Pa kiko?
E beka pa prinsipiante ta un komplemento riba e kompensashon pa tradukshon pa bo debut den tradukshon literario, bo por usa e beka pa desaroyo komo kompensashon pa e gastunan ku bo tin pa bo desaroyo profeshonal komo traduktor literario.
Kuantu?
Beka pa prinsipiante: máksimo € 5.000 / Beka pa desaroyo: máksimo € 2.500.
Kon i ki ora por hasi petishon?
Ta hasi petishon via e wèpsait di Letterenfonds. Ta trata tur proposishonnan na sekuensia ku a risibí nan te ora yega e máksimo di e supsidio. Ta trata petishonnan entre 1 di febrüari 1 di desèmber. Bo ta haña un desishon via e-mail no mas tardá ku ocho siman despues di a risibí bo petishon kompletu.
Aki bo ta haña mas informashon tokante entrega di un petishon na Nederlands Letterenfonds.
Ta bon pa sa
Bo por pidi un beka pa prinsipiante un biaha so: pa bo debut komo traduktor. Bo por pidi un beka pa desaroyo mas frekuente, ku un máksimo di un biaha pa aña.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon riba e wèpsait di e fondo di kultura di reino korespondiente. Via e boton aki bou ta referí bo na e wèpsait di Letterenfonds. E wèpsait akí ta disponibel na hulandes.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
