Interdisiplinario – Individuo
Nota: Bo ta un organisashon ku ta organisá un proyekto interdisiplinario? E ora ei, wak e areglo Organisashon Interdisiplinario.
Pa ken?
Kreadónan individual ku un práktika profeshonal interdisiplinario demostrabel, den kua ta kombiná diferente disiplinanan ku ta kubri e área di trahamentu di diferente fondonan di reino pa kultura, ku un mínimo di un aña di eksperensia di trabou demostrabel.
Pa kiko?
Bo por usa e kontribushon pa desaroyo di bo práktika interdisiplinario durante un aña. Pensa riba krea obra, investigashon, eksperimento i/òf kompra di material i aparatonan. Òf traha riba un enkargo òf partisipá na eventonan, eksposishonnan i manifestashonnan den interior i den eksterior.
Ku práktikanan interdisiplinario nos ke men: un práktika profeshonal den kua ta kombiná òf integrá un mínimo di dos disiplina di arte. Den e areglo akí ta komprondé tambe bou di e término práktika interdisiplinario: práktikanan multidisiplinario, híbrido, mesklá, transdisiplinario, pluridisiplinario i ku ta krusa otro, te asina leu ku esakinan ta kumpli ku e definishon menshoná anteriormente. Tambe ta komprondé bou di disiplina kultural entre otro: arte plástiko, fotografia, diseño, kultura digital, arkitektura, moda, artenan di riba tarima, literatura, pelíkula i dokumental.
Kuantu?
€ 24.900 pa 12 luna
Kon i ki ora por hasi petishon?
E fecha final pa e promé ròndu di petishon ta: djaweps 1 di òktober 2026, promé ku 10or (ora di área karibense). Lo tin dos ròndu di petishon den 2027 i 2028.
Petishonnan pa e areglo Organisashon Interdisiplinario ta bai via di e sistema di petishon online di Mondriaan Fonds (outor prinsipal). Pa entregá un petishon bo tin mester di un kuenta di usuario na Mondrian Fonds. Aki bo por pidi e kuenta akí. Tene kuenta ku e petishon pa un kuenta ta dura algun dia di trabou.
Tene kuenta tambe ku un término di 3 luna pa trata e petishon despues di e fecha final di e ròndu di petishon. No por otorgá un kontribushon ku forsa retroaktivo.
Ta bon pa sa
E areglo akí a originá for di un kolaborashon di 6 fondonan di reino pa kultura. Mondriaan Fonds ta e outor prinsipal di e areglo. E petishon ta bini na remarke solamente si bo práktika ta kubri e área di trahamentu di e diferente fondonan di reino pa kultura.
Desafortunadamente, pa motibu di e presupuesto limitá no ta tur ora por honra tur konsehonan positivo. Esei ta nifiká ku por sosodé ku un petishon ta keda evaluá positivamente, pero desafortunadamente no ta risibí un kontribushon.
Nota: Tene kuenta ku petishonnan i resultadonan por keda kompartí ku otro fondonan di reino pa kultura, ku e propósito di verifiká finansiamentu dòbel i investigá e funshonamentu di e areglo.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Mondriaan Fonds. E informashon akí ta disponibel na hulandes i ingles.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.
