Presentashon Patrimonio Artístiko

Pa ken?

Institushonnan di arte visual, museonan, tarimanan di arte, festivalnan i institushonnan di patrimonio, posiblemente den kolaborashon ku otro partidonan. 

Ku Presentashon Patrimonio Artístiko Mondriaan Fonds ta stimulá presentashonnan speshal di institushonnan riba tereno di arte visual i/òf patrimonio kultural, ku ta fortifiká e relashon ku e públiko, i ku ta pone ku e oferta di presentashonnan en general ta kuadra bon ku e komposishon di e poblashon. Ta trata di kontribushonnan pa eksposishonnan, festivalnan i otro formanan di presentashon ku ta surpasá e kustumber i ku ta relevante pa e arte visual kontemporáneo i/òf patrimonio kultural na Hulanda i/òf e parti karibense di Reino. 

Pa kiko?

Proyektonan speshal di arte visual i patrimonio ku ta di interes nashonal òf ku un imágen regional importante ku ta superá e programashon regular di un organisashon. E plan mester ta ehemplar tambe, òf speshal di un otro manera. Pensa riba presentashonnan di obra den un konteksto speshal òf obra nobo ku mester wòrdu produsí; desaroyo di maneranan nobo di presentá; proyektonan di kolaborashon speshal i manifestashonnan di patrimonio; proyektonan ku ta ofresé un perspektiva nobo riba desaroyonan sosial aktual; préstamonan speshal; alkansá otro gruponan di enfoke; uzo di hèrmèntnan interaktivo, etc. 

Kuantu?

Ta stipulá e suma di e kontribushon pa kada petishon i e ta un máksimo di 40% di e gastunan variabel di e proyekto. E presupuesto mínimo di e proyekto mester ta mas haltu ku € 25.000 i no por kontené gastunan fiho. E kontribushon promedio pa kada proyekto na 2020 tabata alrededor di € 45.000. Kontribushonnan di € 75.000 òf mas ta di gran eksepshon. Tuma kontakto ku Mondriaan Fonds ora ku bo ke hasi petishon pa un kontribushon di e magnitut akí. 

Kon i ki ora por apliká?

Por hasi petishon na kualke momentu di aña via e sistema di petishon online di Mondriaan Fonds. Riba e wèpsait bo por hasi petishon pa un kuenta, kual bo tin mester pa por entregá un petishon. Tene kuenta ku un periodo di tratamentu di 3 luna for di e momentu ku a entregá e petishon kompletu. Sinembargo, debí na e kantidat grandi di petishon na e fondo, e periodo di tratamentu por dura mas largu. No por otorgá un kontribushon ku forsa retroaktivo. 

Aki bo ta haña mas informashon tokante entrega di un petishon na Mondriaan Fonds.

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Mondriaan Fonds. E informashon akí ta disponibel na hulandes i ingles. 

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.