Beka pa Desaroyo Outor Musikal

Pa ken?

E beka akí ta destiná pa outornan musikal (kompositornan, produktornan, etc.) ku ke invertí den nan desaroyo artístiko profeshonal. Tur género di músika ta bini na remarke.

Petishonarionan mester ta aktivo profeshonalmente den artenan di tarima den Reino hulandes pa por lo ménos dos aña i por demostrá esaki ku un lista di obranan resien. Outornan musikal ku ta siguiendo un estudio ainda den materia di arte, na nivel di mbo, bachelor òf master, no ta bini na remarke (ainda). E estudionan akí ya kaba ta ofresé sosten pa desaroyo artístiko.

Bo no mester a sigui un estudio den materia di arte.

Pa kiko?

Bo por hasi petishon pa e beka pa desaroyo di outor musikal pa un trayekto di desaroyo spesífiko i artístiko. E trayekto akí ta dura un máksimo di dos aña i ta konsistí di investigashon ku mester kondusí na obra nobo. Por trata di diferente aktividatnan ku ta forma parti di e trayekto di desaroyo.

Ehèmpelnan di esaki ta:

• Estudio propio òf investigashon, por ehèmpel den repertorio, instrumentashon, músika elektróniko, músika folklóriko òf notashon di músika.
• Tempu pa krea komposishonnan nobo, traha riba e resultado di bo investigashon. Bo pidi supsidio pa esaki komo kompensashon pa bo trabou.
• Kolaborashon ku un coach i/òf partner ku konosementu i kalidat spesífiko riba tereno di músika.

Ta importante pa ta klaro kon e aktividatnan akí ta kontribuí na bo investigashon, obra nobo i desaroyo artístiko.

Kuantu?

E montante di supsidio ta 9.500 euro pa kada petishon. Esaki ta un montante fiho pa un periodo di trabou di un máksimo di dos aña.

Kon i ki ora por hasi petishon?

Tin dos ròndu di petishon pa aña, mayoria biaha den primavera i hèrfst. Bo por entregá un petishon solamente un biaha pa aña i bo por risibí supsidio un máksimo di un biaha kada dos aña.

Bo ta entregá bo petishon via Mijn Fonds. Pa esaki bo mester di:

• Un kuenta di usuario komo ‘individuo’.
• Un formulario di petishon yená.
• Un plan di proyekto supstansial (pdf).
• E suplementonan pidí.

Despues di bo petishon bo ta risibí un notifikashon di si esaki ta bini na remarke pa supsidio. Si ta asina, bo ta risibí un desishon por eskrito via Mijn Fonds denter di diestres siman.

Ta bon pa sa

Ta evaluá e petishon riba:

• Kon bo plan ta kontribuí na bo desaroyo artístiko.
• E nifikashon di e resultado di e aktividatnan pa artenan di riba tarima.
• E kontribushon na e diversidat di e oferta di artenan di riba tarima.

Wak e instrukshonnan i splikashon útil akí riba nos wèpsait tokante kiko lo mester tin den bo plan di proyekto tokante e kriterionan akí.

Bo ke konseho? Bo por presentá un plan konseptual serka nos te tres siman promé ku e fecha final. E ora ei bo ta risibí feedback i tepnan pa mehorá bo plan promé ku bo entregá e vershon definitivo.

Paga tinu: e supsidio akí no ta intenshoná pa finansiá e gastunan di produkshon di un EP òf albùm. Traha un EP òf albùm, riba su mes, no ta un meta di e areglo akí.