Programanan Literario

Pa ken?

Organisashonnan ku ta produsí i ehekutá programanan literario 

• Un entidat hurídiko, sin intenshon lukrativo, ku kapasidat hurídiko kompletu ku ta produsí i/òf ehekutá programanan literario den Reino, por hasi petishon pa supsidio.
• Un petishonario por entregá un máksimo di 1 petishon pa kada ròndu di supsidio; 
• Skolnan, bibliotekanan, publikadónan, universidatnan i provinsianan no por hasi petishon pa supsidio via di e areglo akí. 
• Organisashonnan ku ta risibí un supsidio di vários aña di Letterenfonds, no por hasi petishon pa supsidio den 2025 i 2026 den e areglo akí. 

Pa kiko?

Por hasi petishon pa programanan ku ta presentá literatura na públiko, den diferente forma i konteksto. Esei ta trata entre otro: 

• Festivalnan literario; produkshonnan riba tarima; charlanan; programanan ku ta trata un òf mas eskritor, artistanan di arte di palabra, ilustradónan òf traduktornan;  
• Programanan interdisiplinario den kua literatura tin un ròl kla; 
• Programanan pa desaroyo di talento dirigí riba kreadónan profeshonal; 
• Inisiativanan ku tin komo meta pa duna atenshon na literatura òf su kreadónan. 
• E aktividatnan òf eventonan literario mester ta finalisá denter di 1 aña i mei despues di otorgamentu di e supsidio. 

Kuantu?

Por hasi petishon pa un supsidio di un mínimo di € 10.000 i un máksimo di € 60.000.

Kon i ki ora por hasi petishon?

Por hasi petishon via e wèpsait di Letterenfonds for di 2 di yüni 2026 te 26 di yüni 2026.  

Aki bo ta haña mas informashon tokante entrega di un petishon na Nederlands Letterenfonds.