Festival di Cine

Pa ken?

E Areglo di Festival di Pelicula ta enfoca riba festivalnan di pelicula cu un programa diverso di peliculanan profesional (inter)nacional di calidad artistico y substancial, cu ta duna bishitantenan y profesionalnan di pelicula e oportunidad pa haya mas bista riba y siña tocante desaroyonan nobo riba tereno cinematografico. 

E peticion por wordo haci dor di un entidad huridico specialisa den pelicula (p.e. no un empresario individual o sociedad general) di Reino Hulandes cu ta responsabel pa organisacion di un festival di pelicula cu ta tuma luga den Reino Hulandes.  E entidad huridico aki mester a organisa por lo menos 2 edicion di e festival den e 4 añanan prome cu e aplicacion. 

Pa kico?

Cu e areglo, e Fondo ta fortalece e sector di pelicula y ta stimula e distribucion, desaroyo di conocemento, con ta profila, y promocion di e oferta cinematografico profesional den Reino Hulandes.  Ta pone atencion extra riba peliculanan di Reino Hulandes, creando oportunidad pa creadornan y publico pa topa otro. 

E organisacion di un festival di pelicula por bini na remarke pa un subsidio di proyecto pa 1 edicion di festival di pelicula.  Tambe por pidi un subsidio di proyecto pa 2 aña, cu cual por organisa 2 edicion di e mesun festival di cine. 

Cuanto?

Entre € 20.000 – € 65.000

Con y ki ora por haci peticion?

Aplicacionnan por wordo entrega riba e dia di e fecha limite te cu 5:00 PM (CET) o 12:00 PM (GMT -4) via e sistema di aplicacion Frame via e website di Filmfonds. Si bo no tin datonan di login ainda, bo mester pidi un cuenta nobo prome. Pidi un cuenta nobo aki . Tene na cuenta cu esaki por tuma dos dia di trabou. 

Aki bo ta haya mas informacion tocante entrega un peticion na e Filmfonds.

Bon pa sa 

• Un comision di conseho, hunto cu e Gerente di Proyecto di Desaroyo di Talento y Actividadnan di Pelicula, ta responsabel pa e evaluacion y conseho substancial di aplicacionnan.  E departamento di Oficina di Subsidio ta revisa e aspectonan di comercial di un aplicacion.
• A base di articulo 3 di Areglo General ta e director/manager ta dicidi riba e peticion. 

Mas informacion tocante e condicionnan, criterionan di evaluacion y e informacion cu nos mester pa procesa bo peticion, por wordo haya riba e website di e Filmfonds corespondiente. E informacion aki ta disponibel na Hulandes.

Na e areglo

Preguntanan & contacto

Bo tin pregunta tocante e areglo aki o tin algo cu no ta completamente cla? Por fabor tuma contacto cu e persona di contacto riba e pagina aki.