Areglo Arkitektura
Pa ken?
Arkitektonan, kuratòrnan, agensianan di diseño, institushonnan òf organisashonnan kultural ku ta traha riba tereno di arkitektura.
Pa kiko?
Ku e Areglo Arkitektura, Stimuleringsfonds Creatieve Industrie ta sostené proyektonan artístiko òf kultural ku ta kontribuí na e kalidat, desaroyo òf profundisashon di e tereno di arkitektura den sentido amplio. Pensa riba análisis, investigashon i reflekshon i e uso di forsa pa diseñá ora ta trata di desafionan sosial grandi.
Kuantu?
Pa proyektonan ku mester di supsidio di mas ku € 10.000 te ku un máksimo di € 50.000.
Kon i ki ora por hasi petishon?
E Areglo Arkitektura tin algun ròndu di supsidio pa aña. Riba e wèpsait di Stimuleringsfonds Creatieve Industrie bo ta haña e fechanan final, un manual amplio i e dokumento ofisial di e areglo.
Pa bo petishon bo ta traha entre otro un plan di proyekto, planifikashon i presupuesto. Den e Areglo Arkitektura bo ta haña un bista general di tur e dokumentonan rekerí. E petishonnan ta wòrdu evaluá pa un komishon di konseho. Tene kuenta ku un periodo di tratamentu di diesun siman despues di e fecha di klousura.
Aki bo ta haña mas informashon tokante entrega di un petishon na Stimuleringsfonds Creatieve Industrie.
Ta bon pa sa
E tereno di arkitektura ta inkluí e disiplinanan di konstrukshon di siudat, arkitektura di hardin i paisahe, arkitektura di interior i e supdisiplinanan ku ta toka esaki tambe. Bo ta duda si bo disiplina ta kai bou di e areglo? E ora ei wak e Areglo Arkitektura òf tuma kontakto.
Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Stimuleringsfonds Creatieve Industrie. E informashon akí ta disponibel na hulandes i ingles.
Preguntanan & kontakto
Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki. Bo tin un pregunta mas general, e ora ei wak e preguntanan frekuentemente hasí promé.
