Festival di pelíkula

Pa ken?

E areglo di Festival di Pelíkula ta enfoká riba festivalnan di pelíkula ku un programa variá di pelíkula profeshonal (inter)nashonal di kalidat artístiko i supstansial, ku ta duna bishitantenan i profeshonalnan di pelíkula e oportunidat pa haña mas perspektiva i siña tokante desaroyonan nobo riba tereno sinematográfiko. 

E petishon por wòrdu hasí dor di un persona hurídiko spesialisá riba tereno di pelíkula (ke men no un negoshi individual òf un VOF) di e Reino Hulandes ku ta responsabel pa e organisashon di un festival di pelíkula ku ta tuma lugá den e Reino Hulandes. E persona hurídiko akí mester a organisá por lo ménos 2 edishon di e festival den e 4 añanan promé ku e petishon. 

Pa kiko?

Ku e areglo akí e fondo ta fortifiká e sektor di pelíkula i ta stimulá e distribushon, desaroyo di konosementu, profilashon i promoshon di e oferta di pelíkula profeshonal den e Reino Hulandes. Aki ta duna atenshon èkstra na pelíkulanan di Reino Hulandes i kreashon di oportunidatnan pa kreadornan i públiko topa otro. 

E organisashon di un festival di pelíkula por bini na remarke pa un supsidio pa proyekto pa 1 edishon di festival di pelíkula. Tambe por hasi petishon pa un supsidio pa proyekto pa 2 aña, pa kual por organisá 2 edishon di e mesun festival di pelíkula. 

Kuantu?

Entre € 20.000 – € 65.000 

Kon i ki ora por hasi petishon? 

Por hasi petishon riba e dia di e fecha final te ku 17:00 (CET) òf 12:00 (GMT -4) via e sistema di petishon Frame via di e wèpsait di Filmfonds. Si bo no tin datonan pa inisiá seshon ainda, hasi un petishon pa un kuenta nobo promé. Pidi un kuenta nobo aki. Tene kuenta ku esaki por dura dos dia di trabou. 

Aki bo ta haña mas informashon tokante entrega di un petishon na Filmfonds.

Ta bon pa sa

• Un komishon di konseho huntu ku e Gerente di Proyekto pa Desaroyo di Talento ta sòru pa e evaluashon di e kontenido i konseho di petishonnan. E departamentu Ofisina di supsidio ta evaluá e aspektonan komersial di un petishon.
• A base di artíkulo 3 di e Algemeen Reglement e direktor/dirigente ta disidí tokante e petishon. 

Bo por haña mas informashon tokante e kondishonnan, kriterionan di evaluashon i e informashon ku nos mester pa tratamentu di bo petishon via e boton aki bou riba e wèpsait di Filmfonds. E informashon akí ta disponibel na hulandes.

Mas informashon

Preguntanan & kontakto

Bo tin pregunta tokante e areglo aki òf tin algu ku no ta kompletamente kla? Por fabor tuma kontakto ku e persona di kontakto riba e página aki.